مدونة * محمود حسن السبروت . الثقافية العامة للجميع

الثلاثاء، 13 يناير 2015

من فن الواو

(زمان)

فنانين شعرا ومبدعين

طالعين من الكتاب

ولما ربك يعين

بقوا احسن الكتاب

(عجايب صياد)

سنارته من غير غمازت

بتصيد سمك بالعدد

يرجع السمك البنات

وياخد معاه الولد

(مفتاح الحب)

الحب مفتاحه السلام

والسلام مفتاح الجنان

واللي يتكبر ع السلام

يتصاب بمرض الجنان

السبت، 13 ديسمبر 2014

من فن حرف الواو

ملوي - بقلم:محمود حسن السبروت

من فن حرف الواو

--=♥=--

((يارب))

يا أهل العزة والعطا**بالعفو أمرتنا والسماح

جئنا بالذنب والجفــا**فبدل ظلامنا صـــــــباح

--**--=♣=--**--

(( نور الحبيب ))

في الشمس والقمر فتحت عيني**قوم الاتنين ضرو عنية

ونورحبيبي غمض لي عيني**لكن شفا قلبي وعنيه
--**--=♣=--**--

((ميلاد المصطفى))

ياعيد لكل الاعياد **يا علم في العالمين

عرفت كل العُباد **طريق رب العالمين

--**--=♣=--**--

((العيد الكبير))

يا اغلى من النفس والولد **بملادك حررت العبيد

ولا زيك مولود اتولد **وميلادك دا أكبر عيد

--**--=♣=--**--

((الجود))

يا غالي ومفيش زيك **يا أصل الكرم والجود

وحشني نورك وضيك **يا شفيعي بالكرم جود

--**--=♣=--**--

(( الغرام ))

مقصر كتير وكلي ذنوب **بس مغرم باهل الغرام

يارب استر كل العيوب **واحفظني من اهل الغرام

{(الغرام الاولى الحب- الصفوة- اهل الجنة ) (الغرام الثانية العذاب – جهنم)}

--**--=♣=--**--

((الشفايف))

ياللي راحتك وكيفك حرآمّ ْ **كيف حرامك دخل الشفايف

ضميرك مات ولا نآمّ ْ **ولا قلبك عمي مش شايف

--**--=♣=--**--

((عين القلب))

عليل وله الف دواء **بس القلب مش عارف

اصلي عينه عين هواء **وغير وليفه مش شايف
--**--=♣=--**--

((الناس العجيبة))

رطب النخل عاجبني **شفته في ضي القمر عالي

ولما طلبت منه حدفني **بحصرم(ههه)وقلي ياغالي
--**--=♣=--**--

(( نصيحة))

يا ولدي ساعـــــد الجد **أكشفه وما تعبش فـ حد

وهمتك فـي أرض الجد **وإياك تجور علـى الحد
--**--=♣=--**--

((شفت بعيني))

مركب راكبها تقولش أسود **وانا عـ الشط بقول مواويل

اتريهم كلاب.قلوبهم سود **بيخطفو غزلان النيل

--**--=♣=--**--

((غلطة))

عرفت سرك لغيرك **شلته فقلب طاير

يهوى قلب غيرك **ينتشر بالهوا طاير

{طاير الاولى من الطيور وطاير التانية من الطيران }

--**--=♣=--**--

((عجايب))

بيحب أمه راحو دبحوه **وقالوا جواز الام كفر

قلنا شهيد راحو ذموه **وقالوا ابن الوطن يد الكفر

--**--=♣=--**--

*؟*)رسالة من القلب (*?*
الف تحية واحلى سـلام** مني لكل حبيب غالي
ان بعدت بينا الايــــــام **حبك في القلب ياغــالي
--**--=♣=--**--

((أجدع ناس))

اغلى تحية لأجدع ناس **من قلبي لكل الحبايب

انتو الارض وانتو الفاس **و اساس كل خير صايب

{الارض:الوطن-الاهل— الفاس:المساعد-القوة}

--**--=♣=--**--

((العمر))

طلع من قبره للدنيا ** ورجع فبر تاني

والعمر كائنه ثانية ** وما حقق فيها الاماني

--**--=♣=--**--

((الاصل))

عرفتك تاج فوق الراس**والاصل فيك غالب

يا أغلى من الدهب والماس** يا سيد كل الحبايب

--**--=♣=--**--

((الناس))

الناس ليها اصول **في الشدة بيبان

يكفيك العدو ويصول**يا خاين أو جبان

--**--=♣=--**--

((السر))

ياناكر الكرامة وبتودود **خاف من مولاك

أطلع على السر هدهد **واخفاه عن نبي الاملاك

--**--=♣=--**--

((الكرامة))

ياناكر الكرامة ومتكبر **ربك يدفع عن اولياءه

الكرامة لله والله أكبر **من كل متكبر يعصاه

--**--=♣=--**--

الاثنين، 3 نوفمبر 2014

قالوا هنبنيها ......؟.

ملوي- بقلم : محمود حسن السبروت

مدير مجلة بانوراما النجوم حديث المدينة لمحافظة المنيا