ملوي - بقلم:
محمود حسن السبروت
صحفي وناشط
حقوقي
مشاكل الناس و الغلابة
الاخلاق فيها ازمة * تربية من غير لزمة
ضمير عايش مشلول * والقلب بقى مغلول
مبقيش فيه صلاح * ومات فينا الفلاح
الناس كلها اجناس * حديد واعلاهم نحاس
اغلبهم ردي يداس * وقليل دهب او ماس
بلطجية وفتوات وديابة*أغنية وعُباد
وغلابة
مفتري يخلق مشاكل*وغلبان مشلاقي ياكل
اللحم عجالي وفراخ * فزيادة زي المنفاخ
واللحم كله سمين * وعلى تمنه مش قادرين
فراخ وسمك مزارع * تتسمن كيماوي بارع
الخضار سعره نار * ومشاكل ليل ونهار
محدش قادر يكمل * والعامل مش متحمل
الفاكهة تمنها غالي * عليا انا وعيالي
اللي يقولي عليها * اضربه واكرهه فيها
الغاز فلس جيوبنا * وجيوب جنب جيوبنا
مش قادرين نحجز * وعن تمنها بنعجز
ازي مش موجوده * ومالية السوق السودا
بنزين وجاز بطابور*ياسوق سودا لف ودور
الأزمة رجعت تاني * واكتر مالأولاني
العيش بيقرقش مسحول * وغلوا علينا الفول
والفقير عايش مذلول * والغني عايش مذهول
الميه كلها جراثيم * ميتسقيش بيها برسيم
عملولها كل التحاليل * طلعت تخلي الكل عليل
كهرباء سعرها مرفوع * ونور علطول مقطوع
والاجهزة باظت بسبه * والاصلاح نار فِطلبه
الملابس خامتها قلت * وقيمتها عليت وعلت
واللي معاه تلت عيال * عمر همه ماهيتشال
المدارس مفهاش تدريس * تسمع فيها كل خسيس
الادب بقى فيها رخيص * والاولاد
سفلة بترخيص
الكليات لاسائل ولامسئول * استهتار بكل العقول
مفيش حد فيها يفيدك * أو اشارة تنور طريقك
الموصلات كلها قذارة * وتعريفتها معلهاش ادارة
الركاب والاجرة زيادة * اللي عاجبه يركب ياسادة
الاطباء لا رحمة ولاطب * سماسرة وتجارة ولعب
بيلقفوك لبعضهم بالعد * ويتحاسبو عليك بالنقد
والعلاج اكتره غالي * ومضروب وسكن العلالي
ويكتبولك نوع مخصوص * ويبعتوك عند المخصوص
ويكترولك من الغالي * علشان يفرق في الاجمالي
علشان ده كله بالنسب * وانت تدفع عنك غصب
ليست هناك تعليقات:
إرسال تعليق