ثورة داخلية

ملوي – بقلم : محمود حسن السبروت

  ***=   ثورة داخلية =***

لما يكون بيت أساسه مشطور ومنخـــــــــور
يبقى فين ترابطنا
لما الاهل يختلفوا ويكشفوا مابينهم مستــور
يبقى فين خيريتنا
لما الاخوة يتشاكلوا وينهشوك كا النســـــور
يبقى فين إخوتنا
لما الأسَاتذة مع الناظر يشربوا لف بخــــــور
يبقى فين تعليمنا
لما راجل الدين في مكان تكريس وفتــــــــور
يبقى مين قدوتنا
لما الادباء دُعابتهم كلام مخبول وفجــــــــور
يبقى فين ثقافتنا
لما رئيس شغلنا مص دمنا وخصم الأجــــور
يبقى فين حريتنا
لما مدير العمل سرق الامل ظلم وجــــــــور
يبقى فين قوتنا
لما عمدة ومأمور ومحافظ حقهم مـــــــهدور
يبقى فين سلطتنا
لما يتسرق الوزير والمدرية والامن مهبـــــور
يبقى لمين قيادتنا
لما المسن لسه بيحن لاعمال خسة وشرور
يبقى فين سلامتنا
لما عجوز عاشت دهر من غير صلى وطهـور
يبقى فين بركتنا
لـمــا الحَلِفْ بالأديان والأيمان كـــــــذب وزور
يبقى فين ديانتنا
لما العبادة تبقى عادة سمعة رياء وظهــــور
يبقى فين تقوتنا
لما عيش وغاز وجاز بعد شهداء بالطابـــــور
يبقى فين ثورتنا
لما الثورة تستمر سنين بعد ايام وشهــــور
يبقى فين نهضتنا
لما تتمسك بربك هيهون عليك كل الامـــور
يبقى نبينا إسوتنا